لو قررت تتعلم بنفسك مهارة من البداية خالص ومستعد تديها وقتك ومجهودك وتتعب عشان تقدر تشتغل بيها ك freelancer وقت ما توصل بيها لنقطة معينة، فلازم تعرف إيه أهم المجالات في سوق العمل الحر المطلوبة الفترة ديه و المتوقع زيادتها في المستقبل.
.
.
1- Digital Marketing
.
التسويق الرقمي هو المجال المسئول عن التسويق أونلاين بشكل عام وبيساعد الشركات انهم يحققوا ال target الخاص بيهم ويوصلوا للنتائج المطلوبة والهدف الأساسي منه هو زيادة عدد المبيعات للشركات سواء كانت منتجات أو خدمات.
المُسوق الرقمي بيقدر يوصل لده عن طريق دراسة الجمهور المستهدف وسوق العمل، إنشاء محتوى، إختيار منصة محددة لعرض المنتج، وإنشاء إستراتيجية للتسويق.
وجزء من أهمية مجال التسويق الرقمي تكمن في إنه بيساعدك في إتباع وقياس أدائك بعد كل خطوة بتاخدها وحساب الأرقام والدخل والاختلاف قبل وبعد أي تغيير بتاخده وأي campaign بتنهيه.
.
متوسط الدخل:
وطبقًا لمنصة Upwork فمتوسط دخل ال digital marketers بيكون من 15 ل 45 دولار في الساعة
.
طب تعرف ازاي هل ال digital marketing مناسب ليك ولا لا؟
تقدر تسأل نفسك الأسئلة ديه وتحدد على أساسها:
- هل أنا شخص creative وأقدر أفكر خارج الصندوق واطلع أفكار واستراتيجيات جديدة؟
- هل أنا قوي في الكتابة والتعديل؟
- هل أنا بتعلم من النتائج اللي بلاقيها في نهاية كل خطوة وبقدر أطورها؟
- هل عندي نظرة مستقبلية وأقدر أواكب الـ social media trends حوليا؟
.
.
2- Web Development
.
تطوير مواقع الويب هو المجال المسؤول عن برمجة صفحة ويب أو التطبيقات من البداية للنهاية حسب وصف ومتطلبات العميل، وبينقسم لجزءين هما ال front end وال back end.
ال front end هو البرمجة الخاصة بالجزء المرئي في الأبلكيشن أو صفحة الويب من صور وألوان وشكل وديزاين أو حتى الكتابات والمعروف بالجزء الخاص بالمستخدم، أما الـ back end فهي كل الداتا المتخزنة جوا الأبلكيشن أو كل ما هو غير مرئي للمستخدم.
.
متوسط الدخل:
وطبقًا لمنصة Upwork فمتوسط دخل الـ web developer بيكون من 15 ل 30 دولار في الساعة
.
طب تعرف ازاي هل الـ web development مناسب ليك ولا لا؟
تقدر تسأل نفسك الأسئلة ديه وتحدد على أساسها:
- هل أنا عندي مهارة ال problem solving ؟
- هل أنا شخص بيحب البرمجة أو عنده إستعداد يتعلمها؟
- هل أنا شخص creative وأقدر أحل المشكلة بأقصر طريقة ممكنة؟
.
.
3- Data Analytics
.
تحليل البيانات هو المجال اللي بيحول المعلومات والأرقام ل insights ليها معنى وقيمة تقدر تطور بيها الشركة أو تاخد قرارات جديدة أو مختلفة.
.
والمجال اللي بيساعد الشركات تفضل في المسار الصحيح وتعلي نسبة مبيعاتها عن طريق إتباع الأنماط الموجودة في المعلومات المتخزنة في كل شيت.
.
متوسط الدخل:
وطبقًا لمنصة Upwork فمتوسط دخل ال data analysts بيكون من 20 ل 50 دولار في الساعة
.
طب تعرف ازاي هل ال data analyst مناسب ليك ولا لا؟
تقدر تسأل نفسك الأسئلة ديه وتحدد على أساسها:
- هل أنا بحب ال process الخاصة بتجميع الداتا؟
- هل أنا بعرف أتعامل مع التطبيقات الخاصة بتجميع وتحليل الداتا أو هحب أتعلمها؟
- هل بعرف احدد الأكشن اللي هاخده بعد ما أعرف نتيجة الخطوة السابقة؟
.
.
4- UX design
.
ال UX هو اختصار ل user experience design وهو تصميم تجربة المستخدم، وده المجال المسئول عن إنشاء صلة الوصل في التعامل بين المستخدم والشركة المسئولة اللي بتقدم الخدمات أو المنتجات أو غيره، وهو المجال اللي بيقدم حلول وطرق للمستخدم عشان يرضي احتياجاته ويساعد في تحسين الخدمة المعروضة ليه.
.
متوسط الدخل:
وطبقًا لمنصة Upwork فمتوسط دخل ال UX designer بيكون من 25 ل 39 دولار في الساعة
.
طب تعرف ازاي هل ال UX design مناسب ليك ولا لا؟
تقدر تسأل نفسك الأسئلة ديه وتحدد على أساسها:
- هل أنا بقدر أدرس احتياجات المستخدمين وأهدافهم؟
- هل بقدر أحل المشاكل اللي بتواجهني بشكل مختلف ومميز واعمل test بعدها لنسبة نجاح الحل ده؟
- هل بعرف امشى على الخطوات الخمسة لل problem solving ؟
.
.
5- UI Design
.
ال UI هو اختصار ل user interface design وهو تصميم واجهة المستخدم اللي بيتفاعل معاها وكل حاجه بيشوفها على موقع الويب أو وجهة التطبيق من الوان وصور وأشكال وفيديوهات وإختيار أماكن كل حاجه منهم بشكل مريح للمستخدم يساعده للوصول لكل حاجه محتاجها بشكل سهل.
.
متوسط الدخل:
وطبقًا لمنصة Upwork فمتوسط دخل ال UI designer بيكون من 25 ل 39 دولار في الساعة
.
طب تعرف ازاي هل ال UI design مناسب ليك ولا لا؟
تقدر تسأل نفسك الأسئلة ديه وتحدد على أساسها:
- هل عندي خلفية فنية تساعدني في اختيار الألوان والشكل العام المريح اللي يساعد المستخدم؟
- هل بقدر استخدم برامج تصميم او مستعد اتعلمها؟
- هل بهتم بالتفاصيل الصغيرة بشكل كافي؟
- هل بهتم بسلوك المستخدمين وبقدر احدد على أساسه حلول وطرق مختلفة اقدم بيها شكل الوِجهة؟
.
الخلاصة
دول أهم خمس مجالات حاليا في سوق العمل الحر ومتوسط أسعار مرتباتهم والمهارات المطلوبة عشان تعرف انت مهتم ايه فيهم وايه مناسب لشخصيتك، وتقدر دلوقتي تاخد القرار وتبدأ فيهم في أسرع وقت.
