مواقع العمل الحر بتعمَل كوسيط بين العميل والفريلانسر، والمشاريع اللي العميل بيقدمها على الموقع ويختار بعدها الفريلانسر المناسب بتتم على أساس البروفايل الخاص بالفريلانسر ده، عشان تخلي شكل البروفايل بتاعك مميز والعميل لما يشوفه يحب يشتغل معاك فهتحتاج تشوف أمثلة لبروفايلات ناس مميزة بتعرض البروفايل بتاعها بأحسن شكل.

بس هل كل عميل هيحب يشتغل معاك هيبقى كل همه شكل البروفايل بتاعك والخدمات اللي بتقدمها؟ الحقيقة إنه لا، العميل بيعتمد برضو على أدائك في المشاريع السابقة وازاي تواصلت مع العملاء في المشاريع ديه ومواعيد تسليمك وأسلوب تعاملك مع العملاء ومدى رضاهم عن شغلك وده كله مبيظهرش على البروفايل بتاعك، عشان كده الفيدباك بيلعب دور مهم في توضيح ده للعميل بس Upwork بيعرض ميزة مهمة جداً أحسن وأدق بكتير تساعد العميل يعرف بيها أدائك مع العملاء السابقين، الميزة ديه هي نقاط النجاح في المشاريع على Upwork أو بمعنى آخر Upwork’s Job Success Score (JSS).

---

 الـ JSS هو تقييم عام لأدائك كفريلانسر على الموقع وبيظهَر كنسبة مئوية في بداية البروفايل بتاعك وبيكون مِيزة ليك وللعميل في توضيح مدى كفائتك كفريلانسر، الطريقة اللي بيحسب بيها الموقع النسبة بتاعتك بتكون دايما لصالحك كفريلانسر لإن الموقع بيعرض أحسن نسبة ليك كشخص، وبيتم حسبة الـ JSS الخاص بيك بطريقة مستمرة ودورية عن طريق حساب المتوسط لكل 4 مشاريع والموقع بيحفظ الأرقام عنده ويبدأ يعدلها على الأكونت بتاعك كل فترة، وبيتابع تغيُر ال JSS الخاص بيك عشان يتابع أدائك كل فترة. 

ال JSS بتاعك بيظهر على البروفايل الخاص بيك لكل العملاء، ونظراً لمصداقية موقع Upwork فالعميل دايما بيثق في النسبة المكتوبة وبيحدد على أساسها احتياجه ليك في المشروع بتاعه، العوامل اللي بتأثر على نسبة الـ JSS بتاعك هي نجاحك مع العملاء السابقين، ورضا العميل عنك وعن تجربته معاك، والفيدباك اللي العميل بيقدمهولك بناءاً على تجربته معاك، والعلاقة اللي بينك وبين العميل. 

---

في أحدث Update لــ Upwork, بدأت تحاول تجاوب علي السؤال ده بطريقة أوضح (وده بعد ما كانت بتعتبره سر قومي ممنوع حد يقترب منه ^^)
فهتلاقي عندك فى الـ account الخاص بيك حاليا المنظر ده:

وبعدها هتلاقي شكل جديد عندك ظاهر بالمنظر ده: 

ولو دوست علي أي واحدة من اللي ظاهرين هنا, فهتلاقيها بتشرحلك كل حاجة جواها بشيئ من التفصيل (أخيرا)

وهتقولك أن من شروط أحتساب الـ JSS بتاعك أنك تبقي علي الأقل أشتغلت وظيفتين كل واحدة فيهم مع عميل مختلف فى آخر ٢٤ شهر.

منصة Upwork بتحسب ال JSS الخاص بكل فريلانسر بناءاً على ٣ عوامل رئيسية وهما:

• نتائج المشاريع سواء ناجحة أو فاشلة
• الفلوس المدفوعة فى المشاريع دي
• طول مدة المشاريع اللي أشتغلت عليها

نظراً إن الـ JSS بيوضح ناتج شغلك كل فترة وتتابعات تطورك في الشغل أو تأخرك فيه فهو بيتم حسابه بشكل دقيق وبكل مصداقية لصالح الفريلانسر، وعشان الموقع يحقق العدل للعميل والخصوصية ليك كفريلانسر ف Upwork بتعتمد على نظام الدرجة المتوسطة لإنها بتظهِر أفضل نتيجة دايما، والحِسبة بتكون كالآتي:

عدد المشاريع الناجحة – عدد المشاريع الفاشلة / مجموع عدد المشاريع * 100 

يعني لو افترضنا انك اشتغلت على 15 مشروع منهم 12 ناجحين و 3 فاشلين فال JSS بتاعك بيتحسب بالشكل ده: 

12 – 3 / 15 *100 = 60% 

وديه بتكون نسبة ال JSS الخاص بيك واللي بتظهر على البروفايل بتاعك وبيشوفها جميع العملاء. 

 

الفلوس المدفوعة فى الوظيفة:

الصورة الجاية من موقع Upwork نفسه, ودي بتقولك أن تأثير الوظيفة اللي أنت شغال عليها هيتحسب كوظيفة واحدة طول ما سعرها أقل من ٢٥٠ دولار. 

في حالة أنها عدت ال ٢٥٠ دولار, ولحد الـ ١٠٠٠ دولار, فهتبقي تأثيرها ١.٢٥, ولو عدت الـ ١٠٠٠ دولار, فتأثيرها هيبقي بــ ١.٥
وخلي بالك, أن التأثير ده بالإيجاب والسلب. يعني للتوضيح أكتر هديك مثال:
لو أنت اشتغلت علي ٥ وظايف بس, منهم ٣ أقل من ٢٥٠ دولار, و ٢ أعلي من ١٠٠٠ دولار. ففي الحالة دي هتلاقي أن تأثير الوظيفتين اللي فوق الـ ١٠٠٠ بنفس قوة الـ ٣ وظايف اللي أقل من ٢٥٠. لأن وقتها هتبقي كل واحدة من اللي فوق بـ ١.٥ (أتمني تكون واصلة ^ ^) 

طول مدة الوظيفة اللي شغال عليها:

ودي صورة تانية من موقع Upwork, وبتقولك أن كل وظيفة تعدي فترة ٣ شهور (٩٠ يوم) ولسه بيتدفع فيها فلوس, فهتتحسب كوظيفة جديدة, ولو عدي عليها ٣ شهور تانيين, ولسه شغال مع العميل, ولسه بيدفع حتي الان, فهتتحسب وظيفة جديدة تانية, وهكذا, بحد أقصي ٨ مرات

يعني لو شغال مع عميل ٢٤ شهر .. فدول كده هيبقوا ٢٤/٣ = ٨ وظايف. فالعميل اللي بتشتغل معاه من سنتين ولسه بيدفع فلوس للشغل, ده كده كأنك شغال علي ٨ وظايف معاه مش واحدة بس.

 

وبجانب العوامل ديه ففي عوامل تانية بتأثر على ال JSS بتاعك زي:

 

• • تراكمي ال JSS بتاعك بيتم حسبته عن طريق جمع ال JSS الخاص بآخر 6 شهور مع ال JSS الخاص بآخر 3 شهور وقسمة الناتج على 2، يعني لو ال JSS لآخر 3 شهور ليك هو 86% وال JSS لآخر 6 شهور ليك هو 80% فال JSS الحالي بتاعك هيكون:

    (80+86) /2 = 83%

    • الموقع بيسمحلك تمسح نتيجة مشروع كامل اشتغلت عليه كل شهر من ال JSS بتاعك، فلو شايف إن في مشروع محدد نتيجته بالنسبالك مش مُرضية تقدر تخلي الموقع يشيلها من معدل الـ JSS بتاعك فبالتالي الرقم ميتأثرش بيها. (وإن كان فى آخر تحديثات موقع Upwork فهما بدأوا يلغوا الحكاية دي, بس يظل ليها استثناءات)

---

موقع Upwork بيحسب الـ JSS بتاعك بخوارزميات محددة بتعتمد على:

• • معدل توظيف العملاء ليك كفريلانسر 

• • تواصلك مع العملاء بشكل طويل المدى 

• • العقود الناجحة بينك وبين العملاء
  • فيدباك العميل سواء العام اللي بيتكتب على بروفايلك او الخاص اللي بيبعته ليك برايڤت.

عشان كده ضروري تهتم بال JSS بتاعك وتخليه يوصل لأعلى نسبة، طب النسب بتمثل إيه؟ خليني أقولك:

• • 90% فأكتر

ده بيدل على نجاحك المميز وإنك ماشي في الطريق الصحيح ومُعدل توظيفك عالي معنى كده إن العميل لما يشوف ال JSS بتاعك مش هيفكر كتير في إنه يكلمك وتبدأوا شغل سوا في أسرع وقت 

• •  80% فأكتر

ده بيدل على انك شخص مجتهد وبتسعى إنك تتطور وقدامك فرصة كبيرة تحسن من نفسك وتتطور أكتر عشان تحقق مُعدل أعلى بس المعدل ده كافي جداً يجيبلك شغل وعملاء يطلبوا منك مشاريع بس مش كل العملاء بتقبله عشان كده بنسعى إننا نحسنه

• • 75% فأقل 

ده للأسف معدل قليل العملاء كلهم مش بيفضلوه وبيحسوا إن كده الفريلانسر ده عنده مشكلة عشان كده أغلب الوقت بيبعدوا عنه، ولو ده معدلك فكل اللي عليك تعمله هو إنك تطور نفسك وتاخد من العملاء فيدباك كويس وترد عليهم في أسرع وقت وتحاول تخلي مشاريعك ناجحة وترضي العملاء، عشان تقدر توصل لحافة ال 80% وقتها هتحس بِراحة أكتر والعملاء هيحبوا يشتغلوا معاك.

---

1- حسن علاقاتك مع العملاء

نظراً إن ال JSS بيعتمد بشكل كُلي على تعاملاتك مع العميل والأداء اللي بتقدمهوله وعلاقتك بيه فأهم شيء تاخد بالك منه هو إنك تحَسن علاقاتك مع العملاء.

أما تبدأ شغل مع العميل خد بالك إنك تسلم المطلوب منك في المواعيد المحددة، ابدأ شغلك مع العميل بعَقد لضمان حقوقك وحقوقه، خلي اسلوبك مع العميل فورمال ومُريح ليه واتكلم باحترام وقَدره، اسمع مشاكله وتعديلاته وحاول تحلها بشكل احترافي من غير ما تحس إنه كده بيضايقك أو بيجي على شغلك، رد عليه في أسرع وقت وحاول تحسسه إنك موجود دايما ويقدر يبعتلك اللي هو عايزه بالشكل اللي يريحك ويريحه، أول ما تحسن علاقتك بالعميل هتلاقي تلقائياً الفيدباك بتاعه ورضاه عن شغلك وأدائك عالي جداً، وده هيحسن ال JSS الخاص بيك.

2- حدد للعميل توقعات للمشروع اللي هتشتغلوا عليه سوا

قبل ما تشتغل مع العميل وقبل ما تمضوا العقد، وضحله بشكل صريح ودقيق انت بتقدم إيه ومش بتقدم إيه، وعَرفه الخدمات اللي انت هتقدمهاله بالسعر اللي هو طالبه والخدمات اللي خارج السعر، لما العميل يحدد توقعاته معاك ويعرف هو هيستلم منك إيه آخر المشروع هيتبسط بنتائج المشروع ومش هيحصل بينكم سوء تفاهم لإن ده اللي اتفقتوا عليه. 

---

الاهتمام الدائم بالعميل هو الحل ورا تحسين ال JSS الخاص بيك لإنه بيقيس أدائك مع العملاء عشان كده ضروري تتعامل مع العميل بشكل محترف وبطريقة مميزة، وده هيرجعلك انت بفايدتين الأولى هو إنك عَليت نسبة ال JSS على البروفايل بتاعك والتانية هي أنك ضمنت عميل دايم معاك ومرتاح ليك ولشغلك.