أغلب الطلاب بیسعوا لزیادة دخلھم خصوصا مع زیادة احتیاجاتھم والتزاماتھم مع كل مرحلة دراسیة بیمروا بیھا عن اللي قبلھا، وده السبب ورا اھتمامھم الدائم بإعلانات “شغل للطلاب” على مواقع التواصل الاجتماعي.
وأسھل طریقة لزیادة الدخل ھي الحصول على وظیفة، ولكن أسلوب حیاة الطلاب مش بیسمح بحصولھم على وظیفة ثابتة تقیدھم بعدد ساعات عمل ثابتة مع دراستھم وانشغالھم أغلب الأوقات بالامتحانات.
ومن بعض الدراسات الحدیثة اكتشفنا إن 74% من الطلاب بیعتمدوا على نفسھم بشكل تام لتمویل احتیاجاتھم الیومیة، بس ازاي النسبة الكبیرة دي بتقدر تواكب حیاتھا الدراسیة مع شغل جانبي؟
ومن إجابات بعض الطلاب عرفنا إن أفضل مصدر لزیادة الدخل للطلاب ویكون مصدر بیتناسب مع اسلوب حیاتھم الصعب ھو شغلھم في مجال العمل الحر كفریلانسرز.
وفي المقال ده جمعتلك أفضل وظائف وشغل من البیت للطلاب بحیث یتناسب مع حیاتھم الدراسیة، وتقدر تختار من الوظائف دي المناسب لیك والمتوافق مع حیاتك وشخصیتك، بحیث تقدر تستفید منھ في سیرتك الذاتیة وتاخد منھ فلوس كویسة.
1- مدیر صفحات التواصل الإجتماعى (Social media manager)
بتضیع وقت اد ایه على الموبایل وانت بتتابع مواقع التواصل الإجتماعي بدون ھدف؟
طب تخیل تشتغل في وظیفة مش محتاجة غیر خبرة في التعامل مع مواقع التواصل الإجتماعي، ودورھا بیعتمد على إنك تدیر الصفحات الخاصة بالعملاء على المنصات المختلفة، یعني ھتستفاد من قعدتك على الموبایل وتاخد فلوس كمان!
وعشان تشتغل كمدیر لصفحات التواصل الإجتماعى فدورك ھیبقى كالآتي:
● نشر بوستات وفيديوهات علي المنصات بشكل دوري حسب خطة مدروسة
● إنشاء خطة شھریة للمحتوى اللي هتنشره على المنصات
● زیادة المتابعین للعمیل على المنصات المختلفة
● تحقیق أھداف العمیل (زیادة المبیعات – زیادة شھرتھ في مجاله -…)
● تحلیل النتائج شھریا
ولو عندك خبرة في مجال التسویق أو الجرافیك دیزاین ھیكون میزة كبیرة عشان ھتعرف تعمل كل حاجة بنفسك من غیر ما تحتاج لتیم یساعدك.
وحسب إحصائیات موقع Upwork متوسط دخل الـ Social media manager بیتراوح من 14 دولار الى 35 دولار في الساعة!
2- مساعد افتراضي (Virtual assistant)
في المجال ده أي مھارة عندك بتتحول لشغل، لیك في الترجمة؟ التسویق؟ البرمجة؟ إدخال البیانات؟ كله شغال.
عشان أي حاجة بتعرف تعملھا ھتقدر تشتغل بیھا مھما كان مستواك فیھا، لإن كل الشركات الكبیرة والصغیرة بتحتاج مساعدین في جمیع المجالات لإنجاز مھام معینة.
وتقدر تستغل الوظیفة دیه في إنك تشتغل مساعد افتراضي في مجال دراستك عشان تحسن من مھاراتك فیھ وتضیفھ في سیرتك الذاتیة، وده ھیساعدك لما تتخرج تلاقي فرص أكتر بسبب خبرتك في المجال.
وحسب إحصائیات موقع Upwork متوسط دخل الـ Virtual assistant بیتراوح من 18 دولار الى 35 دولار في الساعة!
3- كاتب مستقل (Freelance writer)
مجال الكتابة بیحتوي على مجالات فرعیة كتیر جدا تقدر تختار منھا المناسب لیك حسب انت عندك مھارة إیھ، فتقدر تشتغل في كتابة المحتوى أو كتابة المقالات أو كتابة السكربتات او اي مجال تاني.
ومن ممیزات المجال ده انھ مش بیحتاج منك أي معدات مخصوصة، ومش بیحتاج منك وقت كبیر طول ما انت بتسلم المطلوب في المواعید المتفق علیھا.
وحسب إحصائیات موقع Upwork متوسط دخل الـ Freelance writer بیتراوح من 15 دولار إلى 40 دولار في الساعة!
4- أخصائي النسخ (Transcriptionist)
لو عندك مھارة الكتابة بس مش مناسب معاك ولا مجال من مجالات الكتابة الموجودة في الفقرة اللي قبل دي فأنت أكید ھیناسبك تكون أخصائي نسخ.
واخصائي النسخ ھو الشخص اللي بیحول أي تسجیل صوتي لمستند مكتوب، وده ممكن یطلبه بعض الشركات لتحویل أوراق ومستندات مھمة، أو یطلبھ عمیل لشيء شخصى زي نسخ المحاضرات أو الكتب المسموعة لمستندات مقروءة وھكذا.
تقدر تجرب تشتغل في المجال ده وتنسخ محاضرات وأعمال تجاریة وحمالات إعلانیة وغیرھا، ولو استمتعت بالشغل فیھ تقدر تاخد شھادة وتكون أخصائي نسخ في مجال ثابت.
ولو فكرت فیھا بشكل منطقي ھتلاقي أكید في AI Tools على الانترنت بتساعدك في الشغلانة دیه، فتقدر تبص علیھا وتشوف ھتساعدك بنسبة أد إیه ووقتھا تاخد القرار انت حابب تشتغل أخصائي نسخ ولا لا، ومن وجھة نظري ده افضل شغل أون لاین للطلاب اللي بدون أي مھارة.
وحسب إحصائیات موقع Upwork متوسط دخل الـ Transcriptionist بیتراوح من 17 دولار إلى 22 دولار في الساعة!
5- مصمم جرافیك (Graphic designer)
لو مجال دراستك في الكلیة لیه علاقة بالجرافیك دیزاین، ولیك خبرة كویسة في التعامل مع بعض التطبیقات زي Adobe Photoshop و Adobe Illustrator فلیه متبدأش كاریرك من دلوقتي؟
والجرافیك دیزاین في عالم العمل الحر یعتبر بحر، لإن بیبقى مطلوب منه حاجات كتیر جدا زي صور مصغرة للیوتیوب ولوجوھات ودیزاینز للسوشیال میدیا وتصمیمات للمقالات وغیرھا كتیر.
ومن حسن حظك إن المجال ده ھتفضل تطور فیه طول ما انت شغال، یعني انت مش محتاج تستنى لحد ما تخلص دراستك عشان تبدأ تشتغل فیه من دلوقتي، فلیه لا؟
وحسب إحصائیات موقع Upwork متوسط دخل الـ Graphic designer بیتراوح من 40 دولار إلى 75 دولار في الساعة!
6- مصمم صفحات ویب (Web designer)
في عصرنا الحالى مفیش شركة ناشئة أو بزنس بیفتح جدید مش بیحتاج ویبسایت، فلو عندك خبرة في البرمجة ولیك في تصمیم صفحات الویب فانت لازم تشتغل بیھ فورا!
وأیا یكن مستواك أو مھاراتك في البرمجة فالعملاء دایما محتاجینك، حتى لو ھتصمم مواقع بالـ HTML أو ھتستخدم مھارات بسیطة وتعمل صفحة WordPress وأكید ھیحتاجوك لو كنت مصمم .UI/UX
ولو لیك في البرمجة فاكید ده مجال دراستك، والتدریب من دلوقتي ھیبقى نقطة قوة لیك في الـ CV بتاعك فاستغل الفرصة وابدأ دلوقتي.
وحسب إحصائیات موقع Upwork متوسط دخل الـ Web designer بیتراوح من 15 دولار إلى 30 دولار في الساعة!
7- محرر فیدیو (Video editor)
لو عندك مھارة تحریر وتعدیل الفیدیوھات فأنت محتاج تشتغل بیھا دلوقتي حتى لو مش ناوي تكمل شغل فیھا بعد التخرج بدوام كامل.
لإن في وقتنا الحالي المجال ده بقى مھم جدا وبیعتمد علیھ شغل كتیر زي رفع فیدیوھات على الیوتیوب أو نشر فیدیوھات على منصات التواصل الاجتماعي أو تحریر مجموعة فیدیوھات لعمیل بیقدم محتوى أو كورسات.
فأنت لو عندك خبرة في المجال ده حتى لو بسیطة وبتعرف تستخدم بعض البرامج زي Adobe premiere فانصحك تشتغل بیھ وھتتبسط من العائد المادى بتاعھ جدا.
عشان حسب إحصائیات موقع Upwork متوسط دخل الـ Video editor بیتراوح من 15 دولار إلى 30 دولار في الساعة!
8- مدقق لغوي (Proofreader)
لو مش بتحب الكتابة بس عندك مھارة اصطیاد الأخطاء اللغویة وعینك بتقع على الغلط على طول، وواخد دور المدقق اللغوي لأصحابك في شات الواتس أب دایما، فلیھ متخدھاش كمھنة تكسب منھا فلوس؟
كل اللي ھتحتاجھ إن یبقى عندك علم بقواعد اللغة العربیة وبتعرف تعرب كویس وتصحح الأخطاء الإملائیة، أو تبقى شاطر في اللغة الإنجلیزیة وعندك حصیلة كلمات كویسة ولیك في الجرامر.
ولو انت الشخص ده فانت ھتحتاج تعمل بورتفولیو وتبدأ على طول، ونسبة كبیر من الشغل على مواقع العمل الحر مش بیطلب شھادات في اللغة اللي بتشتغل فیھا أدام بتشتغل صح.
وحسب إحصائیات موقع Upwork متوسط دخل الـ Proofreader بیتراوح من 18 دولار الى 35 دولار في الساعة!
9- محرر صور (Photo editor)
مھنة تحریر الصور غیر مھنة الجرافیك دیزاین، حیث إن الجرافیك دیزاینر ھو الشخص اللي بیعمل تصمیمات وبیلعب في الألوان وبینشىء لوجوھات وصور مصغرة وأغلب شغلھ بیعتمد على التفكیر الإبداعي.
لكن محرر الصور شخص بیعدل في الصور عشان تظھر بشكل أفضل زي إنھ یظبط بعض الإضاءات، أو یمحي أجزاء معینة من الصورة، أو یضیف بعض اللمسات عشان الصورة تطلع بأفضل شكل.
ولإنھا مھنة مطلوبة جدا على مواقع العمل الحر ومش بتطلب غیر خبرة بسیطة في التعامل مع بعض البرنامج زي الفوتوشوب، فده أفضل شغل للطلاب وخاصة الفوتوجرافرز اللي شغلھم الأساسي تعدیل الصور بعد التصویر.
وحسب إحصائیات موقع Upwork متوسط دخل الـ Photo editor بیتراوح من 10 دولار إلى 25 دولار في الساعة!
10- مترجم (Translator)
لو بتدرس في الجامعة لغة تانیة ووصلت لمستوى ممتاز فیھا أو حتى لو انت شخص بیتكلم لغتین أو أكتر بشكل احترافي فأفضل وظیفة لیك ھي إنك تشتغل مترجم.
وحالیا أدوات الذكاء الاصطناعي اللي بتترجم ترجمة احترافیة مش حرفیة زادت جدا، فبمھاراتك وبمساعدة الأدوات دیھ ھتقدر تحقق دخل خیالي في وقت قصیر جدا.
خصوصا إن إحصائیات موقع Upwork بتقول إن متوسط دخل الـ Translator بیتراوح من 15 دولار إلى 30 دولار في الساعة!
11- مدخل بیانات (Data entry)
وظیفة مدخل البیانات للطلبة على مواقع العمل الحر بتعتمد على احتیاج العمیل فممكن تشتغل على:
● نقل بعض البیانات من مكان ما للسیستم الخاص بالعمیل
● نقل بعض الأوراق أو الأرقام من صورة إلى مستند یمكن التعدیل فیه
● نقل بعض البیانات من استمارة لملف إكسل منظم
وظیفة إدخال البیانات من أسھل الوظائف وأفضل شغل للطلاب اللي معندھمش مھارات محددة لمساعدتھم في وظیفة أخرى.
لإنھا بتحتاج مھارات بسیطة زي التعامل مع برامج مایكروسوفت والتنظیم وسرعة الكتابة واستخدام أدوات مساعدة من الانترنت.
وحسب إحصائیات موقع Upwork متوسط دخل الـ Data entry بیتراوح من 10 دولار إلى 20 دولار في الساعة!
12- مصور (Photographer)
لو انت فوتوجرافر وبتعرف تصور وعندك كامیرا وكل الأدوات اللي انت محتاجھا في التصویر فأنت تقدر تشتغل مصور مستقل على مواقع العمل الحر!
كل اللي ھتحتاجھ ھو إنك تعمل أكونت خاص بیك على موقع من المواقع وتحط علیھ معرض أعمالك واللوكیشن بتاعك والعملاء ھیطلبوك لمناسباتھم سواء أفراح أو حفلات تخرج أو تصویر منتجات لبراند معین.
ولو صعب علیك تنزل وتصور في أي وقت فأنت تقدر تبیع صورك الممیزة في مواقع معینة وتكسب منھا أرباح مستمرة مع كل استخدام لیھا من غیر ما تنزل تشتغل مع عمیل.
وحسب إحصائیات موقع Upwork متوسط دخل الـ Photographer بیتراوح من 25 دولار إلى 45 دولار في الساعة!
13- متخصص سیو (SEO specialist)
عشان یظھرلك موقع في أول صفحة من صفحات جوجل لما تعمل بكلمة معینة دیھ بتكون خطة مدروسة مش عشوائیة خالص.
ده بیحصل عن طریق إضافة الموقع لبعض الكلمات المفتاحیة المھمة جوا المقال، ودیھ بتكون نفس الكلمات اللي الناس ممكن تبحث بیھا على جوجل عشان تدور على حاجة معینة.
العملیة دى بتحتاج متخصص سیو، وھو المسؤول عن اختیار الكلمات المھمة اللي یتم إضافتھا للمقال عن طریق بعض الأدوات اللي بیتم استخدامھا عشان یوصل للكلمات دي، وھو المسؤول عن دراسة النتائج اللي الموقع وصلھا مع الكلمات اللي تمت إضافتھا.
المجال ده مھم جدا حالیا وأغلب الشركات بتطلب متخصص سیو عشان یقدروا یظھروا في البدایة دایما وتزید الزیارات لموقعھم أو لقناتھم على الیوتیوب.
ونظرا إن الوظیفة مطلوبة جدا وتعلمھا سھل، فأنت تقدر تتعلمھا في وقت قصیر وتلاقي شغل كتیر، ومعنى كده إنھا وظیفة مناسبة للطلبة جدا.
وحسب إحصائیات موقع Upwork متوسط دخل الـ SEO Specialist بیتراوح من 15 دولار الى 35 دولار في الساعة!
14- معلق صوتي (Voiceover)
صوتك حلو؟ مش ھتغنى لا ھتقرأ سكریبتات وتاخد فلوس، ایھ رأیك؟
لو عندك مھارة التعلیق الصوتي ففرص العمل على مواقع العمل الحر كتیر جدا للمعلقین الصوتیین من الجنسین.
ولو صوتك ممیز بس متعرفش حاجة عن المجال فانصحك تعرف عنھ أكتر وتعرف ازاي تستخدم طبقات صوتك صح وتكسب رقم متتخیلھوش في فیدیو لا یتعدى الدقیقتین!
لإن حسب إحصائیات موقع Upwork متوسط دخل الـ Voice Over بیتراوح من 25 دولار إلى 55 دولار في الساعة!
15- مدرس أون لاین (Online Tutor)
أفضل فرصة شغل للطلاب الجامعیین ھي التدریس أون لاین لطلاب في مراحل سنیة أقل منھم، فلو بتدرس ھندسة مثلا تقدر تساعد الطلبة بدروس خصوصیة في الریاضیات.
ولو مھتم بالتقدیر بتاعك وحلمك تتعین في الجامعة وتكمل في مجال التدریس بعد التخرج فده أفضل تدریب لیك لحیاتك فیما بعد، وأحسن شغل تحطھ في السیرة الذاتیة بتاعتك.
وتقدر تاخد الخطوة دیه مع مدرس حالى وتشتغل مساعد لیھ، حتى لو مش ھتقدر تدرس للطلاب بشكل مباشر، انت تقدر تصحح معاه الامتحانات والواجبات نظرا لخبرتك في المادة العلمیة نفسھا.
الخلاصة
حابب أشكرك إنك بتفكر في الخطوة دیھ وإنك مھتم تبدأ تشتغل وانت لسھ طالب رغم إنك مشغول ووراك ملیون حاجة.
بس بعد أول وظیفة ومع أول 15 دولار ھتمسكھم ھتحس إنك ممتن لنفسك إنك میأستش ومضیعتش الفرصة دي.
كل المطلوب منك إنك تختار المجال المناسب لیك وتشتغل على نفسك فیھ وتتعلمھ صح لمدة شھرین أو 3 شھور بالكتیر وتعمل اكونت وبورتفولیو، وأوعدك ھیجیلك بدل الوظیفة عشرة بس انت إدي لنفس الفرصة ومتستسلمش مع أول مشكلة.
